DIMPAL SHARMA

अशोक  - ' लालूजी ....दुःख पावोगे ? ' लालू - ' ना ...दुःख क्यांगो है ?  मस्सै में चीस चालै जणा काळज्यै में शांति बापरै !!  और गोडां में तो रीळ चालै ....जणा तो इयां लागै जाणै जेठ गै महिनै में ठंडी शिकंजी ही कंठा में नाख ली है  खांसी आवै और छाती बाजै जणा इयां लागै कै , मल्हार राग में कोई भजन सुणावै .... डाक्टर सुई लगावै जणा मीठी मीठी गुदगुदी हुवै !! ' अशोक  - ' ही ही ही ही ....लालूजी थे तो मजाक करो ' लालू - ' बाळुं माजन्यो तेरो ....मजाक शुरू कण करी रै तोतड़ ?? लालूजी दुःख पावो गे ? बेमार आदमी दुःख ही पावै !!  और के मजा करै ? '

मैं पूछ्यो - ' यार सगा ....तैं तो माड़ी करी !!  म्हे तो तेरी सांकळ खा खा गे भोड फोड़ लियो , और तुं एन टेम पर खूंटो तुड़ागे भाजग्यो ? ' जणा सगोजी बोल्या - ' के बताऊं सगा !!!  पचास किलो गा बुंदिया बणवाया ...पांच आदमी ही कोनी धाप्या !! बेटा बुंदिया खागे बाहर जावै और उल्टी करगे पाछा आ ज्यावै !! ' हिसे सगेगी सांकळ तो के सिरों भी नही खाणो । आगू चैतो राख्या सगा ऐ बुंदिया लोगा ने खुवाई अठ बे बाट कौनी ह  थे  भँवरलाल का गुर्गा मत समझो । आपकी राजनीति घटिया थी ।  अब दुबारा प्रयास मत करया ।

मैं चुनाव चुनाव घरे चूल्हो कोनी जगाऊं !! अपशगुन हुवै ....लोकतंत्र कमजोर हु ज्यावै !! तो मैं कामरेड गै कार्यालय में गयो ....बठै सौ डेढ़ सौ मोट्यार बैठ्या हा ,  कोई बुंदिया खावै हो ....कोई बीड़ी पीवै हो ....तो कई भाई छोटी छोटी काच गी बोतल लिए बैठ्या ....बेमार लाग्या बेचारा !! मैं जियां ही पूग्यो और लोगां नै पतों चाल्यो कै - फेसबुक हाळो फाईव स्टार सरपंच आयो है ,  कोइ लट्ठ लेगे भाज्यो ...तो कोई जूती उठा ली , दो च्यार माई गा लाल तो मांचा लेगे भी मन्नै मारण पड़या ! मैं बोल्यो - ' अरै यारो ....मैं के थारी भैंस खोल ली ? मन्नै क्यों मारो ? ' जणा एक मोट्यार बोल्यो - ' तुं पारीकजी नै तो कांकड़ में दाबगे आग्यो ...अबै म्हारै कामरेड गी बारी है गे ? दस बारा दिन म्हे होठ मीठा कंठ खारा करां तो तेरै के बळत है ? ' मैं तो हाथ जोड़गे पाछो आग्यो !!

 आपस गो प्यार मत खोया भाईयो  मजाक की सौ बात है ,!  आपां जकै नेतां खातर लठ बजा देवां ....बै नेता एक टोपी उतार गे दूसरी टोपी पैहरता दो मिनट लगावै ! दस दिन गो त्यौंहार है ...प्यार मोहब्बत स्युं मजा लेवो !  कोई गै कार्यालय में चाय गी क्वालिटी चोखी है तो बठै चाय पीवो ...कोई जग्यां बुंदिया गोकुल या सौरस घी में बणेड़ा है , बठै होठ मीठा करो ...पामोइल गा बुंदिया खागे मर ना जाया ! पैहली क्वालिटी टेस्ट करो ....अधिकार है आपणों ! आछ्या ....कोई जग्यां थोड़ी क्वालिटी गी शीशी हुवै  बठै कंठ खारा करो ...कोई पाप कोनी ! हाँ ...देसी थैली चुसावै बीं उम्मीदवार नै साफ़ कह देवो - ' तिस्या कोनी बैठ्या ....काठी राख तेरी दारु , क्वालिटी मेंटेन कर भैया ...नैही बोट कोनी देंवांला ' देसी टेट्रा पैक स्युं लीवर खराब कोनी करणों .... कम स्युं कम RC या RS  तो हुवणों ही चाहिजै ......हाँ , कोई BP , TEACHERS , OLD MONK , SIGNATURE , VAT69 पावै तो बा आगलै गी बहादुरी है ....बदळै में थेंक्यू या आशीर्वाद भी देवो । और बीड़ी ???? बिलकुल !!! अधिकार गै सागै मांगो .....बीड़ी तो चुनाव चुनाव बेसिक और मूलभूत...

भाईयो .....मीराज गा पायलट राफेल नै हाथ मत घालो !! मन्नै खबर मिली है कै , चुनावां में जका भाई मीराज खांवता .....बै अब कार्यालय में रजनीगन्धा तुलसी मांगै !! और जका बीड़ी तुल्डता !!! बै सिगरेट गी डिमांड करण लाग रैहया है ..... तो मोट्यारो ....आ गळत बात है !! चुनाव तो दस दिन गा है ....थारा खेत बाड़ा बिक ज्यावैला ! क्योंकै , दस दिन रजनीगन्धा तुलसी खाई ...तो आदत पड़ ज्यावैली , फेर मिराज भावैलो कोनी ! और सिगरेट गी आदत लाग गी तो ?? - तेरे बगैर फॉर स्कावर ....बीड़ी मजा ना देगी !! पैहली मार्केट में सिगरेट और रजनीगंधा तुलसी गी रेट पतो करल्यो ....बाद में शौक पाळीयो ! इयाँ ना हुज्यावै कै फ़ोकट में शौक  पाळ लेवो और बाद में खेत बाड़ां गी शोकसभा करणी पड़ै !! कायदे में रैहस्यो - तो फायदे में रैहस्यो !! तो मीराज गा गैर बदळनीया मीराज गी सीट पर रैहवो ....राफेल थोड़ी हाई फाई है ....एकर लाईसेन्स ले लियो तो बकरी फाटक में आ ज्यावैली !!