मीराज गा पायलट राफेल नै हाथ मत घालो

भाईयो .....मीराज गा पायलट राफेल नै हाथ मत घालो !!

मन्नै खबर मिली है कै , चुनावां में जका भाई मीराज खांवता .....बै अब कार्यालय में रजनीगन्धा तुलसी मांगै !!

और जका बीड़ी तुल्डता !!! बै सिगरेट गी डिमांड करण लाग रैहया है .....

तो मोट्यारो ....आ गळत बात है !! चुनाव तो दस दिन गा है ....थारा खेत बाड़ा बिक ज्यावैला !

क्योंकै , दस दिन रजनीगन्धा तुलसी खाई ...तो आदत पड़ ज्यावैली , फेर मिराज भावैलो कोनी !

और सिगरेट गी आदत लाग गी तो ??
- तेरे बगैर फॉर स्कावर ....बीड़ी मजा ना देगी !!
पैहली मार्केट में सिगरेट और रजनीगंधा तुलसी गी रेट पतो करल्यो ....बाद में शौक पाळीयो !

इयाँ ना हुज्यावै कै फ़ोकट में शौक  पाळ लेवो और बाद में खेत बाड़ां गी शोकसभा करणी पड़ै !!

कायदे में रैहस्यो - तो फायदे में रैहस्यो !!

तो मीराज गा गैर बदळनीया मीराज गी सीट पर रैहवो ....राफेल थोड़ी हाई फाई है ....एकर लाईसेन्स ले लियो तो बकरी फाटक में आ ज्यावैली !!