आपस गो प्यार मत खोया भाईयो

 आपस गो प्यार मत खोया भाईयो 

मजाक की सौ बात है ,! 

आपां जकै नेतां खातर लठ बजा देवां ....बै नेता एक टोपी उतार गे दूसरी टोपी पैहरता दो मिनट लगावै !

दस दिन गो त्यौंहार है ...प्यार मोहब्बत स्युं मजा लेवो !

 कोई गै कार्यालय में चाय गी क्वालिटी चोखी है तो बठै चाय पीवो ...कोई जग्यां बुंदिया गोकुल या सौरस घी में बणेड़ा है , बठै होठ मीठा करो ...पामोइल गा बुंदिया खागे मर ना जाया ! पैहली क्वालिटी टेस्ट करो ....अधिकार है आपणों !

आछ्या ....कोई जग्यां थोड़ी क्वालिटी गी शीशी हुवै

 बठै कंठ खारा करो ...कोई पाप कोनी ! हाँ ...देसी थैली चुसावै बीं उम्मीदवार नै साफ़ कह देवो -

' तिस्या कोनी बैठ्या ....काठी राख तेरी दारु , क्वालिटी मेंटेन कर भैया ...नैही बोट कोनी देंवांला '

देसी टेट्रा पैक स्युं लीवर खराब कोनी करणों ....
कम स्युं कम RC या RS  तो हुवणों ही चाहिजै ......हाँ , कोई BP , TEACHERS , OLD MONK , SIGNATURE , VAT69 पावै तो बा आगलै गी बहादुरी है ....बदळै में थेंक्यू या आशीर्वाद भी देवो ।

और बीड़ी ????

बिलकुल !!! अधिकार गै सागै मांगो .....बीड़ी तो चुनाव चुनाव बेसिक और मूलभूत अधिकार गी श्रेणी में आवै !!

देसाई बीड़ी गोरमिंट स्युं मान्यता प्राप्त है और अंतर्देशीय गुणवता मानक स्युं प्रमाणित भी !!

 तो जे कोई उम्मीदवार लोकल बीड़ी पावै तो .....सीधी किशनाराम नाई गी शालीन भाषा में जवाब देवो -

 पावणी है तो देसाई बीड़ी पावो ...नहीं तो थारी .....में दाबल्यो !!

दस दिन गो त्यौंहार चोखी तरियां धोको ....एक दूसरे स्युं होठ मीठा , कंठ खारा पर जाणकारी गो आदान प्रदान भी राखो !